– Vit eiga at lurta eftir fólki!
Tað heldur Helena Dam á Neystabø, býráðslimur í Havn.
Eisini hon meldar seg upp í kórið av býráðslimum í Havn sum eru farnir av ivast í um tað er rætt at byggja eina hitamiðstøð, har sum ætlanin er í Klingruni í Hoyvík, mitt í einum bústaðarøki og tætt við barnagarð.
– Vit mugu geva okkum stundir at hugsa um málið av nýggjum.
– Vit skulu ikki hava eina hitamiðstøð, har okkara ungdómur og framtíð er, sigur Annfinn Brekkstein, býráðslimur fyri Sambandsflokkin. Læs videre Hitamiðstøðin yvir á Sandvíkarhjalla
– Persónliga hevði eg als ikki viljað búð beint upp at eini slíkari hitamiðstøð, sigur Bogi Andreasen, sum nú vil hava umstríddu hitamiðstøðina flutta burtur úr Klingruni í Hoyvík.
Røringur er komin í Tórshavnar býráð, eftir at málið um at byggja eina stóra hitamiðstøð í Klingruni í Hoyvík hevur tikið seg upp.
Leygardagin 7. juni kl. 9-14 verður Tórshavn Marathon og Heilsurenning. Sum vant, so verður ein partur av býnum stongdur fyri ferðslu. Í ár verður renningin runt í býnum, í størri mun enn undanfarnu ár, so hetta kemur sjálvsagt at ávirka ferðsluna.
Vit hava fingið áheitan frá Visit Tórshavn um at tað hevði verið frálíkt, um fólk høvdu kunnað farið oman á vegin tætt við býlingin og stuðlað rennarunum við at rópa á teir, sláa vit grýtulokum og ymiskt annað.
Kort yvir hvørjir vegir verða stongdir kann síggjast her
Les annars meira á www.torshavn.fo
Niclas Johannesen og Lis Mortensen, umboð fyri eigarafeløgini í Hoyvík.
– Málið um at byggja eina stóra hitamiðstøð í Klingruni í Hoyvík vendir skeivt, alt sum tað er, siga eigarafeløgini, sum bæði kæra umhvørvisgóðkenningina og savna undirskriftir. Læs videre Ein spurningur um sunna fornuft
Mynd: Ingi Sørensen. Myndin er viðgjørd og ætlaða hitamiðstøðin er teknað inn.
Hetta er so álvarsamt, at vit kunnu ikki gevast! Tað sigur Lis Mortensen í Hoyvík.
Hóast málið um hitamiðstøðina tykist at vera komið ígjøgnum Umhvørvisstovuna, so ætla vit ikki at standa tigandi og hyggja at, ímeðan hesin ørskapur ótálmaður heldur fram. Vit ætla at vísa okkara myndugleikum, at vit eru nógv, sum ikki taka undir við núverandi ætlan hjá Fjarhitafelagnum. Læs videre Innsavnan av undirskriftum
Hóast mótmæli okkara í 5 ár, fyrireika Fjarhitafelagið, Tórshavnar Kommuna og SEV eina oljubrennandi hitamiðstøð Læs videre Hjálpi okkum at mótmæla byggiætlan
Á borgarafundinum var stórur áhugi fyri, at fáa stovnað ein Facebook bólk fyri betri og skjótari, at kunna fáa kunning út um hitamiðstøðina.
Bólkurin er nú gjørdur og eitur “Vit fara ikki at brenna her”. Hann kann finnast her: https://www.facebook.com/groups/ikkibrenna/