Kategoriarkiv: Kunning

Ruddingardagur leygardagin 13. mei

Leygardagin 13. mei er árligi ruddingardagurin og vit fara at rudda og fríðka um inni á Gøtu.

Nógvu stormarnir í vetur síggjast aftur í grannalagnum og nógvastadni er brúk fyri eini vinaligari hond at rudda, lúka og hampa um.

Vit møtast sum vant kl. 10 í Býlingshúsinum til kaffi/te, sunkist og kringlu.

Vit vóna at veðrið verður okkum til vildar og vónandi verða vit nógv at taka eina hond í. 

Salting og kavarudding

Sambært Tórshavnar kommunu, so hava borgarar sjálvir ábyrgdina av at halda sítt  øki og gongubreytini framman fyri sína ogn ruddað og saltaða.

Býlinga- og íbúðarvegir koma seinast í røðini av vegum, ið verða ruddaðir og saltaðir av kommunu. Vit í nevndini vilja tískil heita á allar íbúgvar um at taka sær salt úr saltkassunum, sum standa framvið vegunum, soleiðis at tað er klárt at brúka, tá ið frostið kemur. Er saltkassin tómur, ber til at boðað kommununi beinleiðis frá á www.torshavn.fo ella send eina áheitan til okkum í nevndini, so bera vit boðini víðari.

Um nógvur kavi legst, eru somu treytir galdandi. Rúm tíð kann ganga, áðrenn maskinur frá kommununi koma at grava, og tí hava vit sjálvi ábyrgdina av at tað er ráðiligt at koyra, áðrenn farið verður avstað. Um vit eru fleiri, sum fara út við spakanum, verður lættari hjá okkum øllum at ferðast trygt.

Sí nærri kunning um skyldur hjá borgarum og kavaruddingina hjá kommununi á:

Kavarudding á tínari gøtu

Kavarudding

Nevndin hevur kannað møguleikan at fáa privatan veitara at taka sær av kavaruddingini í býlinginum, men hendan loysnin er alt ov kostnaðarmikil fyri felagið. So góðu tit øll, lat okkum hjálpast at við at halda býlingin tryggan bæði fyri koyrandi og gangandi nú í vetur.

At enda vilja vit heita á íbúgvar um yvirhøvur at vísa varsemi og ansa eftir ikki at seta bilar í sving og onnur støð, har sýnið verður ringt. Parkeringsviðurskiftini eru avmarkað, og tí er umráðandi, at húskir við fleiri bilum enn tey hava pláss fyri í egnum túni parkera soleiðis, at bilarnir standa til so lítlan ampa fyri ferðsluna sum til ber.

BÁL OG KYNDLAR Á NÝGGJÁRINUM

Hey góðu grannar. Aftur í ár er korona-smittutrýstið høgt, og vit mugu gera alt, sum vit kunnu fyri at fylgja tilmælum í sambandi við nýggjárshaldið Inni á Gøtu. Nýggjárshaldið er uttandura, og vit meta, at tað ber til at halda frástøðu.Við góðum ráðum fyrireika vit tí nýggjársbál á Klingruni, – sama stað, sum vit plaga.

Hóskvøldið 30. des kl 19 kunnu fólk avheinta tilfar til faklar uttanfyri býlingshúsini og gera faklarnar klárar heima.Fríggjadagin 31. des kl 13 kunnu sjálvboðin koma og hjálpa til við at byggja upp nýggjársbálið í Klingruni. Gomul jólatrø kunnu leggjast afturat eisini. Tað er gott, um onkur hevur bil at koyra plattar við.Kyndlagongan byrjar uttanfyri býlingshúsini gamlaárskvøld 31.des kl 21. Vit samlast í frástøðu og ganga eftir Ovarugøtu og Niðarugøtu fram til bálið, har vit festa í við faklunum. Fyri at minka um smittuvandan njóta vit løtuna í frástøðu og her verður av somu orsøk eingin sangur og eingin røða.

Vit gleða okkum til hesa løtuna og biðja øll um at virða tilmælini.

Aðalfundur 28. apríl kl. 19

Aðalfundur verður í Eigarafelagnum mikukvøldið 28.apríl kl 19. Skrá sambært viðtøkunum.

Ynskir tú, at eitt mál verður viðgjørt á aðalfundinum, vinarliga boða nevndini frá innan 26.apríl. Send teldupost til nevnd@inniagotu.org

Hevur tú hug til at geva eitt íkast til trivnaðin Inni á Gøtu við at luttaka í nevndararbeiði ella arbeiðsbólki?

Kom við á aðalfundin mikudag 28.apríl

Grannaveitsla Inni á Gøtu

Setið X í kalendaran, tí nú er aftur tíð at savnast í veitslulag. Árliga grannaveitslan Inni á Gøtu verður í býlingshúsinum leygardagin 24. apríl 2021 kl. 19, og sum altíð verður góður matur, góður felagssangur og gott undirhald.

Veitslan kostar 200 kr. fyri hvønn gest, og tilmelding fer fram við at flyta peningin á konto 9181-1667213 og upplýsa navn og bústað í seinasta lagi 17. apríl.

Vit gleða okkum at síggja tykkum.

Fyriskiparnir

Bál og kyndlar á nýggjárinum

Hey góðu grannar.

Bæði fúti og landslækni ávara um at ov nógv fólk hittast á nýggjárinum. Vit meta at grannalag okkara er so avmarkað, at tað ber til at halda frástøðu uttandura og halda øll tilmælir, um vit halda okkum í egnum bólkum.

Við ráðum frá koronu-ráðgeva fyrireika vit tí nýggjársbál á Klingruni Inni á Gøtu, sama stað, sum vit plaga. Í kvøld kl 19 kunnu fólk avheinta tilfar til faklar uttanfyri býlingshúsini og gera faklarnar klárar heima.

Í morgin 31.des kl 13 kunnu sjálvboðin koma og hjálpa til við at byggja upp nýggjársbálið í Klingruni. Gomul jólatrø kunnu leggjast afturat eisini. Super um onkur hevur bil til at koyra plattar við.

Kyndlagongan byrjar uttanfyri býlingshúsini gamlaárskvøld kl 22. Vit samlast í frástøðu og hvør bólkur gongur í tryggari frástøðu eftir Ovarugøtu og Niðarugøtu fram til bálið og festa í við faklunum. Fyri at minka um smittuvanda njóta vit løtuna í frástøðu og her verður eingin sangur og eingin røða.

Vit gleða okkum til hesa løtuna og biðja tykkum øll um at virða tilmælini.

Tørvur á hjálpandi hondum

Fyrireikingarnar til ólavsøkuna er væl áleiðis. Skráin verður heilt skjótt klár og har er okkurt fyri bæði børn og vaksin.

Nú er tíðin komin til praktisku fyrireikingarnar og tá verður tørvur á nógvum hjálpandi hondum. Í hjálagda arki ber til at skriva seg upp til ymiskar praktiskar uppgávur, sum skulu gerast, fyri at vit øll skulu fáa eina góða ólavsøku.

Vónandi eru tit mong, ið eru tøk at veita eina hjálpandi hond. Skrivið tykkum upp til eina (ella fleiri) uppgávur her.

https://docs.google.com/spreadsheets/d/1TjIhyW5YQYgtMlnsYZ_HkBwjJsAWz8X5-dUCaxFn0_M/edit?usp=sharing

Eisini ber til at venda sær til onkran í nevndini og siga frá, at ein er til reiðar at hjálpa til

Vinaliga,
nevndin

Tilmelding til Ólavsøkuna

Fyri at Eigarafelagið skal vita, hvussu nógvan mat vit skulu keypa til ólavsøkuveitsluna, hevði verið øgiliga gott, um tit kundu fylt hetta skjalið út.

https://docs.google.com/forms/d/e/1FAIpQLSe5l7fATmjozsWI8jmAcczRNHdjiF2JoyMaHzNy4ZJdKuJR7g/viewform

Hetta er als ikki bindandi, og øll eru vælkomin, hóast tey ikki hava boðað frá. Gestir, sum eru og vitja á ólavsøku, eru sjálvandi eisini vælkomnir.

Svarini eru dulnevnd og eingin annar enn nevndin sær tí, hvussu nógv tit melda til.

Ólavsøku fyrireiking

Vit eru sera fegin um góðu undirtøkuna at skipa fyri ólavsøku her Inni á Gøtu í ár.

Vit ætla at hittast á fótbóltsvøllinum í annaðkvøld (15/7) kl. 19 til eitt stutt prát og síggja, hvussu landið liggur.

Vónandi liggur tað fyri hjá nógvum at koma. Tit eru eisini vælkomin, hóast tit enn ikki hava boðað nevndini frá, at tit vilja hjálpa til.

Vinarliga

Nevndin í Eigarafelagnum Inni á Gøtu

Aluminiums-takplátur

  • Tórshavnar Kommuna hevur givið okkum loyvið at brúka onnur sløg av takplátum enn eternitt. Randarhús kunnu nú nýta Plannja sinus 51, aluminiums takplátur. Býráðið samtykti, at víkja frá servituttinum við tí treyt, at vit brúka aluminiums plátur av merkinum Plannja sinus 51 við sama profili og litinum Warm White.