Kunning, Tiltøk

Gongutúrur og grillhugni leygardagin 2. juli kl 15

 

Kúrberg

Leygardagin 2. juli verður gongutúrur og grillhugni í eigarafelagnum Inni á Gøtu.

Vit byrja í býlingshúsinum kl 15. Herfrá spáka vit ígjøgnum býlingin og hagan oman í fjøruna eystanfyri. Á leiðini vitja vit løgna eggið í Driftsnesi og spáka suður móti Kúrbergi. Herfrá gongur leiðin eftir bønum í Hoyvík, út framvið Hólmasund og út á Birgistanga. Vit steðga á við Heljareyga á veg yvir til lendingina í Hoyvík. Her bjóðar eigarafelagið til grillhugna við alskyns góðum at eta og drekka.

Hetta er ein lættar túrur uppá umleið hálvan annan tíma, sum bert krevur vanligar gonguskógvar, og at tit lata tykkum í eftir veðrinum. Tit eru øll vælkomin. Tit kunnu boða frá luttøku, ella bara koma við leygardagin.

Meinhard, Lis og nevndin

Antennuviðurskifti

Rásbroytingarnar í mai

Nú eru kunngjørdu broytingarnar framdar:

  • DR1HD verður nú sent á 594 MHz saman við DR3HD. Leitið evt. 594 MHz av nýggjum.
  • DR2, DRK, DR-Ra, DR-Ultra eru nú á 562 MHz saman við Kanal 4. Leitið evt. 562 MHz av nýggjum.
  • DR rásirnar á 546 MHz eru sløktar.
  • Analogu rásirnar DR1, DR2 og TV2 eru eisini sløktar.

Broytingarnar eru fylgja av broytingunum hjá Canal Digital

Tiltøk

Ruddingardagur leygardagin 14. mai

Leygardagin 14. mai fara vit at rudda inni á Gøtu, tí tá er árligi ruddingardagurin á skránni.

Ruddingardagur

Vit møtast kl. 10 í Býlingshúsinum til kaffi/te, sunkist og kringlu, og síðani verður farið ta vanligu rutuna at rudda sítt øki. Veðrið sær út til at blíva hampuligt, so vónandi verða vit nógv at taka eina hond í.

Aftaná ruddingina letur pylsuvognur upp uttan fyri Býlingshúsið.

Vit síggjast. 🙂

Nevndin

Antennuviðurskifti

DAGFØRT 9/5: Rásbroytingar

DR1 HD

Tann 6. mai verður Kanal 4 dagførd og má leitast inn av nýggjum (te. 562 MHz).

Tann 6. mai senda vit DR1HD saman við DR3HD. Leitið evt. 594 MHz inn av nýggjum.

Umleið ½ maj verða DR2, DRK, DR-Ra, DR-Ultra lagdar á 562 MHz, har Kanal 4 er frammanundan. Leitið evt. 562 MHz inn av nýggjum

Tann 1. juni sløkna verandi DR rásir á 546 MHz

Tá sløkna eisini analogu rásirnar DR1, DR2 og TV2

Broytingarnar eru fylgja av broytingunum hjá Canal Digital.

Ferðsla

Innkomuvegurin til Havnar

Vit eru skelkaði av, at innkomuvegurin frá nýggja undirsjóvartunlinum, har loyvið verður at koyra 80 km/t, kanska verður lagdur kloss uppat býlinginum Inni á Gøtu og spæliplássinum fyri endan av Niðaragøtu. Nevndin í Eigarafelagnum Inni á Gøtu sendi mótmælið til býráðið, og vit vóru á fundi við Heðin Mortensen og Boða Haraldsen tann 8.apríl.

Vit søgdu frá okkara stóru ónøgd og fingu at vita, at eingin avgerð er tikin enn. Boði og Heðin kunnaðu okkum um støðuna millum kommunu, Landsverk og tunnilsfelagið. Tunnilin kemur upp stutt norðanfyri Hvítanes og útfra hesum hava Landsverk og tunnilsfelagið skitserað 4 uppskot til innkomuveg til Havnar.

Uppskotini kunnu síggjast við at trýsta á leinkjuna niðanfyri.
Vit boðaðu frá, at vit eru hart ímóti uppskotunum 2, 3 og 4, tí vegurin liggur alt alt ov tætt við býlingin Inni á Gøtu.  Í løtuni bíðar kommunan eftir eini ferðslu-analysu frá Landsverk, sum viðger uppskotini. Samskifti er eisini við Henrik Old, landsstýrismann. Avtalað varð, at býráðið gevur okkum kunning um málið, tá ein avgerð verður tikin.

Innkomuvegurin til Havnar

 

Ferðsla

Innkoyring til Havnar

Fyri stuttum kom fram, at nýggja innkoyringin til Havnar frá Eysturoyartunlinum er flutt munandi. Hetta fær nú álvarsligar avleiðingar fyri býlingin Inni á Gøtu.

Uppskot hjá TK: Nýggi vegurin frá Eysturoyartunlinum fluttur skelkandi nær býlinginum Inni á Gøtu
Uppskot hjá TK: Nýggi vegurin frá Eysturoyartunlinum fluttur skelkandi nær býlinginum Inni á Gøtu

Sambært broytingunum er ætlanin, at høvuðsvegurin til Havnar við nógvari tungari og skjóttkoyrandi ferðslu skal liggja kloss uppat býlinginum Inni á Gøtu, bert fáa metrar frá nærmastu húsunum í Ovarugøtu og Niðarugøtu og spælivøllinum hjá børnunum.

Eingin kunning hevur verið frá kommununi um hesar ógvisligu broytingar.

Nevndin hjá eigarafelagnum hevur í skundi sent mótmælisskriv til Tórshavnar kommunu, har vit krevja at fáa fund um hetta málið.