Tann 6. mai verður Kanal 4 dagførd og má leitast inn av nýggjum (te. 562 MHz).
Tann 6. mai senda vit DR1HD saman við DR3HD. Leitið evt. 594 MHz inn av nýggjum.
Umleið ½ maj verða DR2, DRK, DR-Ra, DR-Ultra lagdar á 562 MHz, har Kanal 4 er frammanundan. Leitið evt. 562 MHz inn av nýggjum
Tann 1. juni sløkna verandi DR rásir á 546 MHz
Tá sløkna eisini analogu rásirnar DR1, DR2 og TV2
Broytingarnar eru fylgja av broytingunum hjá Canal Digital.
Vit eru skelkaði av, at innkomuvegurin frá nýggja undirsjóvartunlinum, har loyvið verður at koyra 80 km/t, kanska verður lagdur kloss uppat býlinginum Inni á Gøtu og spæliplássinum fyri endan av Niðaragøtu. Nevndin í Eigarafelagnum Inni á Gøtu sendi mótmælið til býráðið, og vit vóru á fundi við Heðin Mortensen og Boða Haraldsen tann 8.apríl.
Vit søgdu frá okkara stóru ónøgd og fingu at vita, at eingin avgerð er tikin enn. Boði og Heðin kunnaðu okkum um støðuna millum kommunu, Landsverk og tunnilsfelagið. Tunnilin kemur upp stutt norðanfyri Hvítanes og útfra hesum hava Landsverk og tunnilsfelagið skitserað 4 uppskot til innkomuveg til Havnar.
Uppskotini kunnu síggjast við at trýsta á leinkjuna niðanfyri.
Vit boðaðu frá, at vit eru hart ímóti uppskotunum 2, 3 og 4, tí vegurin liggur alt alt ov tætt við býlingin Inni á Gøtu. Í løtuni bíðar kommunan eftir eini ferðslu-analysu frá Landsverk, sum viðger uppskotini. Samskifti er eisini við Henrik Old, landsstýrismann. Avtalað varð, at býráðið gevur okkum kunning um málið, tá ein avgerð verður tikin.
Fyri stuttum kom fram, at nýggja innkoyringin til Havnar frá Eysturoyartunlinum er flutt munandi. Hetta fær nú álvarsligar avleiðingar fyri býlingin Inni á Gøtu.
Sambært broytingunum er ætlanin, at høvuðsvegurin til Havnar við nógvari tungari og skjóttkoyrandi ferðslu skal liggja kloss uppat býlinginum Inni á Gøtu, bert fáa metrar frá nærmastu húsunum í Ovarugøtu og Niðarugøtu og spælivøllinum hjá børnunum.
Eingin kunning hevur verið frá kommununi um hesar ógvisligu broytingar.
Nevndin hjá eigarafelagnum hevur í skundi sent mótmælisskriv til Tórshavnar kommunu, har vit krevja at fáa fund um hetta málið.
Opið hús er nú liðugt á hesum sinni og verður eftir ætlan aftur komandi heyst. Takk til tykkum øll sum hava luttikið.
Nú er bert ein góð vika til veitslan verður.
Tú meldar teg til veitsluna við at flyta kr. 100 á konto 9181-1667213 í seinasta lagi 6. mars.
Minst til at upplýsa navn og bústað.
Vegna forfall verður onki opið hús í kvøld.
Opið hús heldur annars framm til mikukvøldið 9. mars.
Várið er í nánd, og stundin er komin til at halda veitslu fyri okkum øllum, sum búgva Inni á Gøtu.
Fríggjakvøldið 11. mars kl. 19 verður veitsla í býlingshúsinum Inni á Gøtu. Kokkurin, Magni Garðalíð av Húsum, borðreiðir við góðum mati. Drekkivørur verða til matin.
Tú meldar teg til veitsluna við at flyta kr. 100 á konto 9181-1667213, í seinasta lagi 6. mars. Minst til at upplýsa navn og bústað.
So er loysn fingin á ósemjuni, og vit hava fingið flestu rásirnar aftur.
Enn mangla tó 6´arin og Eurosport HD, og er hetta støðan hjá øðrum antennufeløgum eisini.
Tað kann hanga saman við, at tað er sera stórt tal av tv-kortum, sum nú skulu aktiverast av nýggjum hjá øllum Canal Digital brúkarunum.
Um hesar báðar rásirnar ikki eru virknar í morgin tíðliga, so boða vit Canal Digital frá.
Meira info her: https://www.canaldigital.dk/discovery
Umleið 70 børn vóru í býlingshúsinum í dag til eitt sera væl eydnað føstulávintstiltak har m.a. føstulávintsbollar, karamellur, kakao og sunkist vóru at fáa. Stóra takk til tykkum øll sum møttu.
Nakrar myndir frá degnum eru lagdar út á facebook síðuna hjá eigarafelagnum her: https://www.facebook.com/inniagotu/posts/968825906533755
Føstulávintshald verður í Býlingshúsinum leygardagin 6. februar kl. 14. Kaffi, te, sunkist og føstulávintsbollar vera at fáa eftir tunnuslátturin. Læs videre Føstulávintshald leygardagin 6. februar