Alle indlæg af Webmaster

blómur

Vit hava keypt leyk til páskaliljur, krokus og minitulipanir at seta niður her Inni á Gøtu. Tað skal setast niður nú fyri at koma upp aftur til várs. Tit eru vælkomin eftir leyki í Niðarugøtu 44, at planta á felagsøkjum ella í egnum øki út móti vegnum, so tað verður til gleði fyri øll.

TV3, TV3+ og TV3Puls digitalar

TV3, TV3+ og TV3Puls verða bert at síggja digitalt frameftir.

Televarpið skifti til MPEG-4, og tað klárar analoga útgerðin hjá okkum til TV3 ikki. Hetta vistu vit tíverri ikki, og tí hevur ikki verið kunnað um hetta frammanundan.

TV3, TV3+ og TV3Puls eru sostatt ikki í analoga rásúrvalinum longur.

Rásbroytingar

Rásbroytingar: Nat. Geographic Wild hevur skift frekvens til 642 MHz (sama sum National Geographic)
Nýggjar digitalar rásir: TV2 HD, Svøríki 1HD, Svøríki 2HD, TV3+, TV3, TV3 Puls.

Radiorásirnar DR-P1 og DR-P3 virka aftur.

Gongufelagið skipar fyri túri Inni á Gøtu í morgin.

Gongufelagið hevur 2 túrar á skránni komandi vikuna. Leygardagin verður gingið í Hoyvík, meðan leiðin 2. hvítusunnudag er norðantil á Streymoynni.

Leygardagin 18. mai verður gongutúrur: Gøtan Inni á Gøtu og oman Ternrygg.

Byrjað verður inni á Gøtu kl. 14.30. Leið 2 fer úr Steinatúni kl. 14.15. Ein lættur túrur.

Les meira her: http://visittorshavn.tumblr.com/post/50417494901/gonguturar-hja-gongufelagnum

Ruddingardagur 11. mei

Ruddingardagur verður leygardagin 11. mei og tað verður massar á skránni. Vit møtast klokkan 10 í Býlingshúsinum til kaffi/te og okkurt søtt.

Síðani fara nøkur ta vanligu rutuna og rudda sítt øki. Onnur fara at flyta grót, sláa gras, planta trø, skrúva borð saman osfr. Klokkan 12 fara øll niðan aftur í Býlingshúsið har pylsuvognur verður og øll fáa eta og drekka.

Nýggja spæliplássið á vøllinum verður samstundis vígt tá. Vit vóna at øll, ung sum gomul, møta upp so hetta verður ein hugnaligur dagur.

Veitsla í Býlingshúsinum

Veitslan verður leygarkvøldið 2. feb. kl. 19.00 í Býlingshúsinum.

Veitslan er ókeypis, men tit taka sjálvi mat við, sum verður stillað á eitt felags borð. Tað tit drekka til matin og aftaná mugu tit eisini taka við.

Nevndin bjóðar vælkomstdrykk.
Vit keypa breyð og smør.

Gott hevði verið við hjálp til avruddan og ymiskt.

Um tú dugir at spæla guitar, harmoniku, bass ella annað, so spæl fyri okkum undir borðhaldinum til felagssangin.

Finn góða veitsluhýrið framm og set X í kalendarin.

Tilmelding: Ring til Frígerð 511545 ella Beintu 599590