Vit eru sera fegin um góðu undirtøkuna at skipa fyri ólavsøku her Inni á Gøtu í ár.
Vit ætla at hittast á fótbóltsvøllinum í annaðkvøld (15/7) kl. 19 til eitt stutt prát og síggja, hvussu landið liggur.
Vónandi liggur tað fyri hjá nógvum at koma. Tit eru eisini vælkomin, hóast tit enn ikki hava boðað nevndini frá, at tit vilja hjálpa til.
Vinarliga
Nevndin í Eigarafelagnum Inni á Gøtu
Heinta faldara her:
Vit hava felagsantennu Inni á Gøtu, sum tekniska nevnd røkir. Antennuskápini eru nú gomul og treingja til eina hond. Ætlanin var at byrja hetta arbeiðið á ruddingardegnum, men tað viðraði ikki og mátti útsetast. Læs videre Arbeiðsdagur: antennuskápini hava brúk fyri tær…
Eigarafelagið bjóðar øllum áhugaðum at luttaka í arbeiðsbólki um orku og umhvørvi.
Fjarhitin er í løtuni dýrasta orkuloysnin á føroyska marknaðinum. Kunnu vit ganga undan við orku og umhvørvi og finna góðar loysnir?
Send ein teldupost, um hetta hevur tín áhuga: nevnd@inniagotu.org
Vit fara at fríðka um Inni á Gøtu. Summa staðni skal hampast, og onkra staðni kunnu vit planta runnar og trø. Hevur tú hug at vera við onkra løtu? Læs videre Fríðka um
Fleiri fráboðanir hava ta seinastu tíðina verið um rottur ymisk støð Inni á Gøtu. Hetta gevur okkum ta fatan, at rottan er í vøkstri júst nú í okkara øki. Rotta nørist sera skjótt, og tí er tað sera umráðandi, at vit hjálpa til við at steðga hesum vøkstri. Læs videre Rottur
Ein flokkur av dúgvum heldur til sunnast á Niðarugøtu og elvir til ampa á ymsan hátt.
Janus Hansen, lívfrøðingur á Tjóðsavninum, greiðir frá, at talan er um bládúgvu, sum er vanligasta dúgvan í Føroyum. Dúgvur læra skjótt, hvar tær finna mat og skapa sær vanar at halda til slík støð. Um fólk kasta út mat til fuglarnar, taka dúgvurnar væl ímóti hesum og halda til her. Læs videre Dúgvur
Fleiri hava framvegis órógv á SVF. Nýggj roynd at loysa trupulleikan verður gjørd í næstu viku.
Broyttir frekvensir:
SVF: 434 MHz
Iktus: 442 MHz
TV3Max / Rás1: 754 MHz
Sum ein roynd er SVF eisini lagt á 762 MHz, sum tó bara tey, ið hava Hald 2 kunnu taka.
RADIO: Rás 2 er nú aftur at hoyra á 89 MHz.
Fyri at sleppa av við trupulleikan við órógvi á SVF-rásini verða bæði SVF og IKTUS fluttar. Læs videre Kringvarp Føroya og IKTUS rásirnar verða fluttar
Veitslan Inni á Gøtu verður í býlingshúsinum leygarkvøldið 10. mars kl. 19.
Vit kunnu gleða okkum til buffet við góðum mati, bæði heitur matur og tað kalda borðið. Kokkur okkara er Hansa Johannesen. So her verður lekkur matur, lívligur tónleikur og gott lag á fólki.
Møguligt er at keypa m.a. vín og øl í barrini.
Og so kunnu vit gleða okkum til onkur yvirraskilsir….
Vit síggjast. ?